volmar.schmid@bluewin.ch +4127 923 93 35 / +4179 753 49 84

  • Facebook Social Icon
  • Twitter Social Icon
  • LinkedIn Social Icon

©2019 by www.walliserdialekt.ch. Proudly created with Wix.com

Kinderverse:

Tierverse

Wie wir bisher festgestellt haben, spielt das Tier im Kindervers eine wesentliche Rolle. In den hier angeführten Sprüchen, steht das Tier aber noch mehr im Vordergrund.

Am Moorgunt im drii,

geits Giggeriggii,

steit der Hano üff

und chratzot schich am Büüch.

Ich weiss as waa as Brummilnäscht,

dass sind ganz beeschi Süüser;

tüe Schwäfilpulver dri und Päch,

de chomunt di Brummla üüser

Rüüdigi, rüüdigi Geiss,

gang nit soo spitz,

gang nit soo spitz,

suscht kiischt ambri.  Warnvers, wenn ein Kind zu nahe an einen Abgrund gerät

Tschäggeli, chumm sä,

sää, i will der z Läckku gää.

Tschäggeli, hap di still,

wenn i di mälchu will.

Doo  - ree - mii -  faa  -  Sollili,

di Geissini machunt Pollini;

doo - ree - mii - faa  -  Tütterli,

die Geissini heint ass ütterli.

 

VARIANTE:

Doo  - ree - mii - faa  - Sollili, 

di  Geisse  machunt Pollini, 

doo -  ree  -  mii  -  faa  -  soll

an ganze Zuber voll.

Äss sägunt alli Liit,

wier heigi Liisch.

Wass geit dass andri a?

Schii biissunt iisch.

Äss sägunt alli Liit,

wier heigi Flee.

Wass geit dass andri a?

Äss ischt iischers Vee.

Äss sägunt alli Liit,

wier heigi Wanze.

Wass geit dass andri a?

Wier lee schi la tanze.

Äss sagunt alli Liit,

wier siigi Chälber.

Wass geit das andri a?

Wier sii sus sälber.

Ich predigu, was i weiss

va der a aaltu Muttugeiss.

An Geiss und an  Gitz,

miini Predig ischt afa an Bitz,

an Chüe und as Chalb,

miini Predig ischt halb;

an Chatz und an Müüss,

miini Predig ischt üüss.

Häxxuschiit heisst miis Wiib,

Nitverfaa heisst miine Ma,

Sausewind heisst miis Chind,

Weerweissi heisst miis Geissi,

Faduspüeli heisst miis Chüeli,

Tirlitanzji heisst miis Bänzji,

Wunderfitzji heisst miis Gitzji,

Viilfraasji heisst miis Haasi,

Firlifratzi heisst miis Chatzi,

Roote Schlund heisst miine Hund,

Giri-giru-gano heisst miine Hano,

Bänni heisst miis Hänni.