St. Nikolaus

 

Liebe heilige Nikolaus,

du chuscht hiitu zu iisch in ds Hüss,

deschi bini häärzli froo.

Schmutzli, lüeg du nummu nit a soo;

meischtens bin  i a  liebe Büeb,

folgu, hälfu de ganz güet;

d Rüeta brüüchi also niit,

Schmutzli, fer dich ischt a chlächti Ziit,

tüe du mier lieber as Gscheichji bringu,

de tüen ich dier as Liedji singu.

​

Samichlaus, du  liebe Mao,

chumm, du müescht ass Muntzi ha;

in diim Sack hescht du deich

öü fer mich ass luschtigs Gscheich.

Du bischt doch soo an Güete,

du bringscht mer sicher gar kei Rüeta,

numma a Hüffo feini Sache.

Säg, chascht du öü Bissgwii bachu?

​

Loss, Nikolaus, du liebe Mao, ich will der eppis säägu.

Liit doch grad dum Peetrus a und wiisch der Schnee statt Räägu.

 

 

Samichlaus, du liebe Ma,

gäll ich müess kchei Rüeta haa .

Loss, ich  will  der  alles  sägu,

ich wäärdu zwaar ambitz verlägu.

Leesch  du  diine  groosse  Sack,

gang mim Schmutzli, mit dem Pack;

nummu kchei Angscht, sii nummu froo,

ich nimu de digüetu Sache schoo.

 

 

Sankt Nikolaus, du liebe Ma,

wider tüescht du vor iisch staa;

weischt, ass tüet mi häärzlich gfrewwu

und äss soll di gwiss nit riwwu,

dass du wider bi iisch bischt;

kcheis va iisch geit unner du Tisch.

​

Weihnachten

 

Äss ischt heiligi Wienächtsziit,

äss straalt a Stääro soo hell und wiit;

ass Chind ischt uff d Ärda choo

und tüüsig Ängla singunt froo,

will ds Jesuschind in der Chrippa liit,

darum ischt jetz heiligi Wienächtsziit.

 

 

Ds Chrischtchindli ischt vom Himmil choo,

äss liit in der Chrippa uff dum Stroww.

Oo Jesuschindli aarm und chlei,

noo chleiner als ich sälber bi;

ich wellti dier hiitu miis Häärzji gä,

tüess du in diini Handschini nä

und lachs sus nieme, nieme looss

und mach mich lieb, fromm und grooss.

​

Drii Ängiltini fleigunt  

durch d Nacht a soo wiit,

schii fleigunt zer Chrippa,

waa ds Chrischtchindli liit.

Ds eerschta bringt ass Blüemji,

ds zweita bringt an·Stääro,

ds dritta singt dass Liedji:

«Wier hei di alli gääru.»

​

Gebete

 

 

Liebe Gott, wier däiche Dier,

dass wier so güet hei chännu schlaaffu.

Liebe Gott, wier  däiche Dier,

dass wier soo gsund erwachet sii.

Liebe Gott, wier bitte Dich:

bschitz iisch hiitu der ganzi Tag!

 

Du soorgescht fer alli,

fer groos und fer chlei,

darum schlaaf ich öü hina

ooni Soorge i.

 

Waa  ich gaa, waa ich staa,

bischt Du, liebe Gott, bi mier;

wenn ich Dich öü nit gsee,

weiss ich sicher, Du bischt hie.

 

Ich bi an  chleine Stumpu,

cha  striitu, höüru, gumpu, 

ich bi va iisch der Jungschte,

aber doch nit ganz der Dummschte.

​